Дваесет и едно годишниот скопјанец К.Д. вчеравечер во полициската станица во Ѓорче Петров пријавил дека бил физички малтретиран од познаник и од уште три непознати лица.
Според МВР, К.Д пријавил дека вчера во 18:40 часот телефонски му се јавило лице со кого се знаел од претходно и кое рекло да излезе на улица за да разговаат во врска со кражба на стиропор.
Лицето кое го контактирало оштетениот на телефон пристигнало со возило „Ауди -А3“ во кое имало уште три непознати лица. Откако К.Д. рекол дека не знае ништо за кражбата на стиропорот едно лице излегло од возилото и без повод и причина му удрил шлаканица и тупаница. Потоа насилно го внеле во возилото каде физички го малтретирале и го оставиле во Кисела Јабука.
По преземени мерки повикани се четири лица на разговор, а по целосно документирање на случајот ќе биде поднесен соодветен поднесок.
