Турски суд денеска му изрече парична казна од 10.000 турски лири на лидерот на главната опозициска Републикансконародна партија, Кемал Калачдароглу, заради навреда на претседателот Реџеп Таип Ердоган, соопшти турскиот весник на англиски јазик „Хуриет дејли њуз“.
Адвокатите на Ердоган првично бараа отштета од 100.000 турски лири.
Адвокатот на претседателот, Муамер Џемалоглу, изјави дека Калачдароглу за време на говорот пред парламентарната група на неговата партија, на 14 јануари 2013 година, ги прекршил личните права на Ердоган и притоа го навредил.
Во тоа време Ердоган беше премиер и лидер на владеачката Партија на правдата и развојот (АКП).