Чуден црн круг се појавил на небото над едно село во северен Казахстан. Селаните кои се шокирале од појавата, успеале да го фотографираат кругот, кој на небото бил цели 15 минути, а потоа исчезнал.
-Наликуваше на црн облак, а потоа исчезна како да беше од чад. Не почувствувавме никаква чудна миризба – изјавил еден од жителите на селото.
Андреј Солодовник, асистент по физика на државниот Универзитет во северен Казахстан, рекол дека облакот чиј што пречник изнесувал околу 100 метри и кој лебдел на висина помеѓу 200 и 1.000 метри е производ на согорување, а експертите наведуваат дека такви облаци имало и во минатото.
Е.Г.