На порталот на српската владина Агенција за заштита од зрачење е објавена мапа, покрај која стојат информации за озраченост на одредени градови.
Според овие податоци, најозрачен град не е Панчево, како што се верувало туку Врање, каде што радијацијата изнесува 140 наносиверти на час, што е за девет повеќе од Винча, која е на второ место. На трето место е Косовска Митровица, додека Панчево воошто не е на листата.
Инаку просечната радиоактивност изнесува околу 100 наносивети и таа може да варира до 50 проценти во зависност од подрачјето.
Опасност постои дури кога оваа вредност ќе се зголеми двојно. Тоа што Врање е на прво место по озраченост, не треба да изненадува бидејќи градот во тек на 1999 година беше бомбардиран со осиромашен ураниум, а потоа се доцнеше и со чистење на радиоактивниот отпад.
Е.Г.