По првата успешна вечер на Филозофскиот филмски фестивал, чие официјално отворање се случи вчеравечер во Кинотеката на Македонија, оваа манифестација вечерва продолжува со „Антихрист“ на познатиот режисер Ларс фон Трир заедно со излагањето на доц. д-р Ристо Солунчев од Институтот за филозофија на тема „Фон Трир и поетиката на распаѓањето“ по што ќе следува дискусија со публиката.
Петтото издание на Филозофски филмски фестивал, како и досегашните, е во организација на Филозофското друштво на Македонија, во соработка со Кинотеката на Македонија и Филозофскиот факултет во Скопје, Универзитет „Св. Кирил и Методиј“.
