Националниот архив на СAД неодамна објави никогаш претходно видени шеми и детаљи од воен проект од 50-те години под името „Проект 1794“, што за цел имал изградба на суперсонична летачка чинија.
Овој материјал, од кој од неодамна е тргната ознаката „строго доверливо“, покажува дека воздухопловните сили на САД со една канадска компанијата, која повеќе не постои, имале договор за изградба на летачки чинии што нема да изгледаат на ништо дотогаш видено.
Ако овие планови биле спроведени на дело, би била создадена летачка чинија, која би можела вертикално да полетува и да слетува, додека за нејзина контрола и стабилизирање би биле користени млазни мотори. Според документите, проектот се развивал многу добро, а оттаму не е јасно зошто бил напуштен.