Романскиот министер за надворешни работи Богдан Ауреску, кој денеска во Лондон учествува на конференција на тема одбрана против балистички ракети, го истакна исклучително одбранбениот карактер на системот за противракетна одбрана и неговата употреба во согласност со Повелбата на ОН и меѓународното право со цел легитимна одбрана.
Ауреску истакна дека секоја закана со употреба на сила во контекст на развојот на овој строго дефанзивен проект е неприфатлива, бидејќи е во спротивност на меѓународното право, со кое се забранува употреба на сила или закана со сила.
– Распоредувањето на системот за ПВО во Романија носи дополнителна стабилност, ги зајакнува трансатлантските односи, создава можности за соработка со трети земји и придонесува кон стремежот за обезбедување на мир во Европа, истакна романскиот министер.
Според Ауреску неопходно е НАТО да продолжи со инвестирање во своите одбранбени капацитети, за да може да се спротивстави успешно на се поразновидните провокации по безбедноста. Според него романско-американскиот стратешки проект за распоредување на воената база Девеселу на противракетен штит ја одразува јасно посветеноста на САД кон европската безбедност.