Одрон од карпа ги зафати двете коловозни ленти на автопатот Скопје – Велес, кај местото викано „Манастири“ во близина на селото Ветерско.
АМСМ соопшти дека од 11 часот сообраќајот се одвива преку паркинг просторот во отежнати услови.
Сообраќајот на останатите државни патишта се одвива по наместа влажни коловози. Слаби врнежи од дожд се бележат на планинските премини Буково и Ѓавато. Магла со видливост од 30 до 40 метри има на Попова Шапка, од 50 до 60 метри на Стража, Крушево и до 100 метри на планинскиот превој Буково.