Звање доктор на науки во 2014 година стекнале 206 лица, што е помалку за 5.9 проценти во однос на 2013 година. Но, бројот на лица што минатата година станале магистри (2038) и специјалисти (156) е зголемен за 31.8 отсто од претходната година, соопшти Државниот завод за статистика.
Најголем број доктори се во областа на општествените науки, 41.8%; потоа од техничко-технолошките науки (17.5%); медицинските науки (15.5%), а останатите лица докторирале во областа на хуманистичките науки, природно-математичките и биотехничките науки.
Докторска дисертација одбраниле 106 жени, односно 51.5% од вкупниот број лица кои докторирале во 2014 година.
Најголем број од докторираните (47.1%) својата професија ја вршат во образовната дејност.
Магистри и специјалисти лани станале вкупно 2194 лица, од кои 2038 или 92.9% се магистри и 156 или 7.1% специјалисти. Бројот на магистри и специјалисти, во споредба со 2013 годинa, е зголемен за 31.8 проценти.
Поголем број од лицата кои во 2014 стекнале научен степен магистер на науки се жени (58.5%).
Најголем број од магистерските трудови (1400 или 68.7 отсто) минатата година биле од областа на општествените науки, 15.2% од техничко-технолошките науки, а останатите од областа на хуманистичките, природно-