Утре од 8 часот наутро на булеварот „Кузман Јосифовски-Питу“ во Аеродром ќе биде воспоставен времен сообраќаен режим поради отпочнување градежни работи за реконструкција на рабници и изградба на рампи на пешачки премини, соопшти денеска Центарот за управување и контрола на сообраќајот на Град Скопје.
Оттаму појаснуваат дека времениот режим ќе се однесува на делот од трасата на булеварот што се протега под новата железничка станица.
ЦУКС апелира до сите учесници во сообраќајот да бидат внимателни кога возат, да ја прилагодат брзината на движење на условите на патот и да ја почитуваат поставената хоризонтална и вертикална сообраќајна сигнализација.