Лидерот на муслиманската заедница во израелскиот град Рамле пронајден е мртов денеска во една џамија, а околностите на неговата смрт се нејасни, соопшти полицијата.
– Телото било пронајдено, а подоцна идентификувано како Мухамед Таџи, на возраст од околу 80 години – изјави портпаролката на полицијата Луба Самри, наведувајќи дека на телото нема видливи знаци на насилство и крв и дека е отворена истрага.
Градоначалникот Џоел Лави, кој ја познавал жртвата, изјави за израелските медиуми дека е “во апсолутен шок”, истакнувајќи дека Таџи беше “сакана личност” кој работел неуморно на приближување на локалните муслимански и еврејски заедници.
Таџи ја предводеше институцијата одговорна за управување со муслиманските имоти и згради.
Градот Рамла е во близина на Тел Авив, и е еден од најсиромашните во Израел – 80 отсто од населението се Евреи, а останатите се израелски Арапи, вклучувајќи и муслимани и христијани, наведува АП.