Директната телефонска врска меѓу САД и Куба беше обновена, соопшти државната компанија „Етекса“.
Toa се случи во рамки на првиот договор, потпишан меѓу американската и кубанската компанија, по објавеното историско зближување во декември меѓу двете земји.
– Воспоставена беше директна телефонска врска меѓу САД и Куба, која првично ќе овозможува гласовни повици, соопшти Етекса.
Минатиот месец кубанската државна компанија и американската приватна корпорација „Американ доместик телеком“, соопштија дека потпишале соодветен договор.
Досега телефонските повици меѓу САД и Куба минуваа преку трети земји, што ги правеше многу скапи.
Телефонските врски меѓу Куба и САД беа прекинувани многу пати од 60-те години на минатиот век, а во 1999 беа целосно прекинати.