Во Собранието се поднесува интерпелација за разрешување на министер и се гласа за тоа, а оставка може да побара секој граѓанин, одговори Ѓорѓи Спасов на изјавата на министерката за внатрешни работи Гордана Јанкулоска дека барањето за оставка оди преку Собранието.
„Барање за оставка од министер може да поднесе јавно секој граѓанин кој смета дека министерот или министерката забегале и се однесуваат неморално.Оставката е морален чин и способност за признавање вина. Во Собранието се поднесува интерпелација за разрешување на министер и се гласа за тоа. Така е според Уставот и законите. Нека не ни се прави на Тошо министерката“, напиша Ѓорѓи Спасов на неговиот профил на Фејсбук.
