Во Народниот театар во Гевгелија вечер ќе се одржи 16-тата поетско-музичката вечер на роднокрајни автори „За тебе љубов моја“.
Почетоците на манифестацијата се во далечната 1995 година по идеја на Ице Мурџев и Слободанка Дуева. Првата манифестација се одржа во ноќниот клуб на тогашниот хотел „Југо“ со наслов „Кога мажот пее за жената“. Во организацијата беа вклучени библиотеката „Гоце Делчев“ од Гевгелија и тогашната телевизија „Канал 12“ (сегашна ТВ НОВА 12).
Досега над 300 учесници поминале на оваа манифестација која за некои била и првиот чекор кон освојувањето на популарноста. Иван Раденов, групата „Зијан“, Васил Ангов, Јова Радевска, Бошко Бозаџиевски, Петар Стојанов, Анета Ристова, Наталија Данаилова и многу други, сега веќе познати во својата дејност, првите свои настапи ги имале на „За тебе љубов моја“.
Манифестацијата годинава е во организација на Тони Аврамов, Даниела Џишева и Ламбрина Лазаревска, а покровител е Општина Гевгелија.