Турскиот претседател Реџеп Таип Ердоган во својата празничка порака по повод 8 Март потенцираше дека и натаму решително ќе се бори за решавање на проблемите пред кои се исправени жените во Турција.
– Убеден сум дека со зголемување на бројот на образованите, смели и самоуверени жени во сите сфери на животот – од економија до политика, тие ќе придонесат за зголемување на просперитетот на нашата земја и нејзино издигнување на уште повисоко ниво, ја пренесува БТА изјавата на Ердоган.
Во пораката тој ја акцентира и еднаквоста меѓу мажите и жените кога се во прашање основните права и задолженија.