Претседателот на Долниот дом на полскиот Парламент, Радослав Шикорски денеска изјави дека на пратениците ќе им биде дадена можност да поминат воена обука, бидејќи „бурните времиња“ го бараат тоа.
Шикорски истакна дека заедно со министерот за одбрана Томаш Шемонјак одлучиле пратениците, кои сакаат да имаат воена подготовка, од мај да се испраќаат на воен полигон за обука.
Тој нагласи дека тоа треба да биде знак за младите во Полска дека „доаѓаат времиња кои бараат подготвеност за одбрана на земјата“.
Луѓето во Полска се загрижени поради конфликтот во источниот дел на Украина.
Неодамна Шикорски побара Полјаците на возраст меѓу 18 и 50 години доброволно да поминат воена обука.