Вработените во јавниот транспорт во Португалија денеска стапија во штрајк поради владините мерки за штедење, меѓу кои се намалување на платите и зголемување на даноците.
Во штрајк стапија вработените во националната железничка компанија и лисабонското метро, а во текот на денот ќе им се придружат и вработените во автобускиот и траектниот сообраќај.
Владата на десниот центар мерките за штедење ги воведе за да обезбеди помош од 78 милијарди евра, колку што беа потребни за да се избегне банкротот поради големиот долг и високите каматни стапки.