Собранието на Република Македонија денеска треба да ја одржи 35. седница на чиј дневен ред се 52 точки, меѓу кои и предлозите за изменување и дополнување на законите за заштита на децата, за превенција, спречување и заштита од семејно насилство, за социјалната заштита, како и Предлог законот за комплементарна и алтернативна медицина.
Пратениците ќе расправаат и за Предлог законот за општата управна постапка, за измените и доплнувањата на законите за земјоделство и рурален развој, за управната инспекција, за финансиската полиција, за служба во АРМ, за извршување на санкциите, за судска служба, за техничката инспекција, за Државен пазарен инспекторат, за шумарска и ловна инспекција, за Државниот инспекторат за земјоделство, за шуми и за ловство.
На дневен ред се и предлог измените и дополнувањата на законите за работните односи, за инспекцијата на труд, за животната средина, за превоз во патниот сообраќај, за јавните патишта, за градење, за просторно и урбанистичко планирање, на законите за полиција и за внатрешни работи, за јавна чистота, за безбедност на храната за животни, за електронските комуникации, за инспекциски надзор, за Царинската управа, за денационализација, за градежно земјиште, за концесии и јавно приватно партнерство.
По скратена постапка треба да биде донесени и предлог измените и дополнувањата на Законот за трансформација на претпријатијата со општествен капитал и на Законот за јавните претпријатија.
Пратениците треба да се изјаснат и за неколку предлог одлуки за избор на членови на повеќе собраниски тела.