ЦИА по 50 години ја острани ознаката за тајност и ги објави фотографиите од конструирање на авионот „СР-71“, кој се уште се смета за најбрзо летало на светот.
Локхид СР-71 Блекбирд“ е целосното име на воениот авион кој што е направен во шеесетите години од минатиот век.
Објавените фотографиите се направени во база во Бурбенк во Калифорнија, а покажуваат неколку фази од производство на трите верзии од познатото летало.
Инаку леталото го произвела американската команија„Локхид“, која работата ја извршувала под ознака „црн проект“, што значи дека се е работено во целосна тајност.
„СР-71“ од 28-ми јули 1976 година е најбрзиот авион на светот, бидејќи достигнува неверојатна брзина од 3,509 километри на час.
Интересен е податокот дека кога кон него бил испален проектил, се што пилотот требало да направи било да ја зголеми брзината и ракетата едноставно не може да го достигне авионот.
Творец на авионот кој што е направен од титаниум, и е отпорен на температура до 482 степени Целзиусови е американскиот инженер Кларенс „Кели “ Џонсон.
Е. Г.