САД го прогласија за глобален терорист германскиот државјанин Денис Куспер, кој е припадник на исламистичката групација Исламска држава во Сирија и Ирак.
Стејт департментот соопшти дека Кусперт се приклучил кон џихадистите во 2012 година и се појавил во голем број пропагандни видеоснимки на ИД.
Во една од нив, која е од ноември минатата година, 39-годишниот поранешен берлински рапер, кој сега се претставува под името Абу Тала ал Алмани, држи глава на човек, за кој тврди дека е егзекутиран, бидејќи и се спротивставил на ИД.
– Кусперт положил заклетва на лојалност пред лидерот на ИД, Абу Бакр ал Багдади и изгледа е агент, кој врбува нови членови за групацијата од германското говорно подрачје, се вели во соопштението на ИД.
Прогласувањето на европски државјанин за глобален терористи од страна на САД е ретка појава. Ова се совпадна со посетата на германскиот канцелар Ангела Меркел на Вашингтон.