Во Градската библиотека „Браќа Миладиновци“ – Скопје вечер ќе биде промовирана книгата „Антологија на класичната кинеска поезија“, во превод на Игор Радев.
Промоцијата на книгата е заеднички проект на издавачкото друштво „Макавеј“, Институтот „Конфуциј“ при Универзитетот „Свети Кирил и Методиј“ во Скопје и Градската библиотека „Браќа Миладиновци“.
Промотори на книгата ќе бидат д-р Денг Ши’чжонг, кинески декан на Институтот „Конфуциј“, д-р Чжанг Мин, професор во Институтот „Конфуциј“ и м-р Игор Радев, преведувач на делото од класичен кинески.
Актерската придружба е на Томе Витанов.