Францускиот претседател Франсоа Оланд предлага проширување на демилитизираната зона меу спротиставените страни во Украина, како и поголема автономија за источните региони во земјата.
Оланд во денешното интервју за телевизијата Франс 2 посочи дека планот за кој се преговара предвидува проширување на демилитаризираната зоната во ширина од 50 до 70 километри.
Тој се заложи и за „силна“ автономијата во источна Украина.
Според податоците на Обединетио нации, повеќе од 5.300 луѓе загинаа од април минатата година, кога почнаа судирите во Источна Украина. Во последните две недели судирите се интензивирани.