Поговорката „тоа што не те убива, те прави посилен“ е неточна, трврди признатот германски психолог Јуле Шпрехт.
– Тоа е погрешно верување, изјави 28-годишната Шпрехт, која е добитничка на наградата на градот Берлин за млади научници.
– Резултатите од повеќе студии укажуваат дека негативните искуства во животот имаат негативни последици, а позитивните формираат позитивен контекст – стабилно семејство, здрав однос и исполнетост. Зборувајќи генерално, луѓето позитивно се развиваат кога се задволни од својот живот, нагласи Шпрехт во изјава за агенцијата ДПА.
Шпрехт е професорка по психолошка дијагностика на Берлинскиот универзитет. Нејзина главна област е истражување на развој на личноста, изборот на партнер и причините и последиците од задоволства на животот.
Не знаеме зошто чувството на среќа толку брзо поминуа. Позитивните случувања побрзо бледеат од негативните, вели Шпрехт.
Таа нуди совет.
– Треба да бидеме свесни и да се препуштиме на оние работи кои одат добро, наместо секогаш да трчаме па нови цели, објасни таа.
Според неа, и особините на личноста имаат силно влијание врз добросостојбата.
– Екстравертните луѓе и оние кои се емоционално јаки се склони кон среќата. Личната добросостојба може исто така да се поттикне со тоа што повеќе ќе се дружите, ќе си се почестите со нешто и ќе размислувате позитивно. Но, тоа не е лесно, заклучи Шпрехт.