САД веруваат дека економските санкции остануваат најдобриот начин да се влијае врз Русија заради нејзината улога во украинската криза и дека испраќањето повеќе оружје нема задолжително да го разреши украинскиот проблем, смета Бен Роудс, заменик советник за национална безбедност на Белата куќа.
– Ние и натаму веруваме дека најдобриот начин да влијаеме врз руските планови е преку економските санкции, кои „здраво ја касаат“ руската економија, рече Роудс во интервју за телевизијата Си-Ен-Ен.
Замолен да ги коментира информациите дека Вашингтон размислува дали да и даде оружје на Украина во борбата против проруските сепаратисти, Роудс изјави „ние не мислиме дека украинската криза ќе се реши доколку едноставно се трупа повеќе оружје во овој конфликт“.