На неколку часа до завршните два натпревари на светското првенство, IHF ги одреди делителите на правдата и официјаните лица за мечевите за златото и бронзата. За жал македонските судии Николов и Начевски нема да судат во денешната програма, а Драган Начевски е официјално лице на финалето. Чешките судии Јиржи Новотни и Вацлав Хорачек ќе ја делат правдата на мечот Катар – Франција, каде влогот е златото.
Покрај Драган Начевски на записничката маса ќе седат и Гаљего од Шпанија и Сихелшмит од Германија. Хансен и Гјединг од Данска ја добија задачата да судат на дуелот Полска – Шпанија. Официјални лица се Оле од Норвешка, Таваколи од Иран и Този Гранди од Италија.
Извор: Кирил Лазаров 7