Со одигрувањето на денешните средби во „Пресидент купот’’ познат е конечниот пласман на селекциите од 17-24 место на Светското ракометно првенство во Катар.
Во натпреварот за 17-место, Чешка по изведувањето на пенали ја победи Белорусија 29:28.
Селекцијата на Русија шампионатот го завршува како 19-то рангирана откако попладнево убедливо ја победи Босна и Херцеговина со 42:28.
Иран со победата од 26:22 над Саудиска Арабија го освои 21-место, а Чиле го избегна последното место со победата над Алжир со 30:28 по изведувањето на пенали.
Потсетување дека Македонија која настапот на Мундијалот во осминафиналето беше поразена од Словенија, на крајот СП во Катар го заврши на 9-место.
Пласман на репрезентациите на СП од 9-24 место:
9. МАКЕДОНИЈА
10. Шведска
11. Исланд
12. Аргентина
13. Австрија
14. Египет
15. Тунис
16. Бразил
17. Чешка
18. Белорусија
19. Русија
20. Босна и Херцеговина
21. Иран
22. Саудиска Арабија
23. Чиле
24. Алжир