Велика Британија во последно време стана позната по големото количество на силиконски убавици, но трендот на естетски операции е во опаѓање.
Силиконските „убавици“ ги преплавија медиумите последните години, но изгледа дека Британците полека се враќаат на својата традиција на природната убавина, затоа што минатата година се направени девет отсто помалку пластични операции отколку во 2013 година.
Иако вградувањето силикони во градите и понатаму водат по бројот на операции, токму кај нив забележан е најголем пад од дури 23 отсто. По силиконите, на списокот на најчести операции следуваат операциите на очните капаци, затегнување на лицето и вратот и намалување на градите.
Бројот на другите операции не е многу променет во споредба со претходната година, но сепак, има благо опаѓање.