Турскиот претседател Реџеп Таип Ердоган ги повика денеска исламските држави да зборуваат со еден глас против тероризмот и расизмот, истакнувајќи дека припадниците на терористичката Исламска држава убиваат муслимани под изговор дека тоа го прават во име на исламот.
Ердоган пред посетата на Етиопија, Сомалија и Џибути рече дека доколку исламските држави молчат и ако секоја секта остане зад своите симпатизери, тогаш други ја преземаат нивната улога и стануваат „модерен Лоренс“. Турскиот претсеател и порано го споменуваше Лоренс од Арабија како симбол за западното мешање на Блискиот исток.
– Сосема е можно да зборуваме со разллични јазици, да се разликуваме географски и етнички, но мора сето тоа да го ставиме настрана пред лицето на тероризмот и расизмот, изјави Ердоган.
Тој го критикуваше СБ на ОН поради донесувањето одлуки за исламскиот свет иако меѓу петте држави – постојани членки на СБ, нема ниту една муслиманска држава.