Полјаците наскоро би можеле да добијат многу секси претседателка. Имено, посебно внимание на социјалните мрежи привлече претседателскиот кандидат на СЛД (полските социјалдемократи), Магдалена Огорек, а како стигна до центарот на вниманието не е тешко да се погоди, пишува хрватски Индекс.
СЛД минатата недела ја објави нејзината кандидатура, а лидерот на партијата Милер ја нарече „симбол на промени“.
Инаку, Магдалена Огорек е позната и како телевизиска водителка, има 35 години, докторила историја, напишала неколку книги, а две години работела како советничка во Народната банка на Полска.
Сепак, испитувањето на јавното мислење покажа дека актуелниот полски претседател, Бронислав Коморовски има поддршка од 56 отсто од гласачите.
Конзервативецот Анджеј Дуда го следи со 16 отсто, а либералот Јануш Паликот има само четири отсто.
Сепак, ако се суди според реакциите на светските медиуми на Магдалена, таа е единствната кандидатка за која вреди да се пишува, а таа популарност би можела да се одрази на кончениот успех.
