Околу 8.400 деца се затруле при исхрана во мензите во неколку улчилишта и градинки во Германија, објавија германските власти.
Труењето, чии симптоми се повраќање и дијареја, се појавило кон средината на неделава и досега се регистрирани околу 8.400 случаи на гастроентерит кај деца од училишта и градинки во Берлин и во покраините Бранденбург, Саксонија, Тирингија и Саксонија-Анхалт.
Според лекарите, труењето нема сериозни последици и најголемиот дел од децата се опоравуваат за два дена, без притоа да има потреба за нивна хоспитализација.
Засега не се познати причините за ова масовно труење, а резултатите од примероците кои се земени за анализа во Институтот за вирусологија „Роберт Кох“, се очекува да бидат познати утре.
Се претпоставува дека труењето е предизвикано од храна која била доставена до сите училишта и градинки од страна на еден дистрибутер.