Србија и покрај некои пропусти, одговорно ги трошела средствата од претпристапните фондови на ЕУ, се наведува во денеска објавениот извештај на Европскиот ревизорски суд (ЕЦА), кој е најважно независно финансиско надзорно тело во Унијата.
ЕЦА утврди дека сумата од околу 1,2 милијарди евра, кои Србија ги добила од ЕУ во периодот меѓу 2007 и 2013 година, е ефикасно искористена со цел земјата да се подготви за членство во Унијата.
Судот додал дека Европската комисија, преку насочување на фондовите кон унапредување на јавната управа, воспоставување владеење на правото и спречување на корупцијата, успешно ги поставила приоритетите, што довело до постепено подобрување во овие сектори.