Зборувајќи за актуелните проблеми во светскиот банкарски сектор, поранешниот германски канцелар Хелмут Шмит, изјави дека денес на сцена е “животинскиот капитализам”.
– Покрај него, тука се и животинскиот исламизам, социјализам и феудализам. Неопходно е да се врати моралот во банките и контролата над финансискиот сектор – порача Шмит.
Тој исто така оцени дека сегашната канцеларка Ангела Меркел самата е виновна што Европскиот печат се почесто ја споредува со Адолф Хитлер.
– Проблемот е во тоа што таа е голем национал-егоист и прави напори за решавање на актуелната криза во Европа, враќајќи го на сцена централизмот, изјави 93-годишниот Смит, за телевизијата ЗДФ.
Според неговите зборови, двајца луѓе во историјата се обиделе да владеат со Европа од еден центар – прво се обидел Наполеон, а потоа Хитлер.
– Не смее да постои трет пат. Германија мора да се откаже од желбата да биде центарот на Европа – и порача Шмит на сегашната канцеларка.