Италијанскиот филозоф и писател, Умберто Еко ги спореди џихадистите од ИСИС со нацисти, оценувајќи дека и едните и другите имаат исти амбиции, а тоа е да завладеат со светот.
– Мислам дека не е праведно на еден генерален начин да се зборува за муслиманите, како што не е коректно за христијанството да се донесуваат заклучоци врз основа на методот на Чезар Борџиј, кој на Макијавели му послужил како инспирација за неговото дело „Владетел“-рече Еко за италијанскиот дневен весник „Коријере дела сера“.
Тој оцени дека за Исламска држава со сигурност може да се зборува како за нов облик на нацизам, а како причина за тоа ги наведе страотните егзекуции на заложниците и нивната амбиција да завладеат со светот.
-Пред 30 години напишав дека ќе биде пролеано многу крв, доколку не се најде некоја нова рамнотежа- рече тој.
Е. Г.