Турската полиција денеска изврши рација ширум земјата, шти што се уапсени 22 полицајци осомничени за нелегално прислушување на нивни колеги, државни службеници и бизнисмени.
Апсењата се дел од кампањата на турскиот претседател Реџеп Тајип Ердоган против приврзаниците на својот противник, а поранешен сојузник, Фетулах Ѓулен.
Канцеларијата на државниот обвинител во провинцијата Газиантеп ја координирала рацијата во 13 градови, главно во источниот и југоисточниот дел на Турција.
Во текот на минатата година турските власти веќе уапсија неколку десетици полицајци осомничени дека го прислушувале Ердоган и останатите функционери.