ВМРО-ДПМНЕ демантира дека пораката за вчерашните контрапротести е испратена од партијата за да се мобилизира членството.
„Порталот А1on и сличните на него, ја поминаа секоја можна граница на разумното однесување и коректното и објективно известување.
Грубиот фалсификат кој го направија со наводните смс пораки кој биле праќани до членството на ВМРО-ДПМНЕ по наредба на претседателот, преставува целосна измислица и подметнување својствено на субјектите кои се користат со најдиктаторски методи.
Жално е што овие медиуми се сврстија себе си во редот на талибанските прокламации со кои се користи СДСМ и ги погазија сите можни принципи на објективното информирање“, се вели во демантот на ВМРО-ДПМНЕ.
А1он поседува докази за телефонскиот број од кој е испратена пораката, меѓутоа засега нема да открива поради последиците по членот на оваа партија. Пораката што ја објави А1он е испраќана од претседател на месен комитет во општината Аеродром до сите членови.
А1он поседува и докази за пристуните на контрамитингот, од која општина се, дали се членови на ВМРО-ДПМНЕ или не, без разлика дали излегле од работното место во Царина, дали дошле со трактор од Ново Лисиче или пак групно се организирале за пред собрание од Кисела Вода.
