Во повисоките региони од државата се забележани поголеми врнежи од снег, но во овој момент нема застој во сообраќајот ниту отсекување на поедини населби. Во регионот на Дебер, кон граничната караула Џепчиште на патот има снежна покривка од околу 10 см, а сообраќајот се одвива во отежнати зимски услови, соопшти попладнево Дирекцијата за заштита и спасување.
Во предпладневните часови екипа на Македонија пат се обидела на споменатиот правец да интервенира но поради големиот нагиб на патот не успеала да пријде. Во текот на утрешниот ден се очекува Македонија пат да испрати екипа на посочениот правец и да го олесни сообраќајот, се вели во соопштението од ДЗС.