Министерот за внатрешни работи на Србија, Небојша Стефановиќ изјави дека премиерот Александар Вучиќ оваа година во повеќе наврати добил смртоносни закани.
-Имаше обиди не само да се загрози неговиот живот, туку и преку кампањи сакаа да изнесуваат лаги за премиерот, а тој да не смее ниту да се брани -рече Стефановиќ и додаде дека како пријател секогаш го советува да води сметка за својата безбедност, бидејќи знае дека премиерот не сака обезбедување.
Тој истакна дека за безбедноста на Вучиќ е задолжена војската на Србија, но дека тоа не значи дека и Министерството за внатрешни работи не е загрижено за него.
Што се однесува до обидот за убиство на бизнисменот Милан Бека, Стефановиќ нагласи дека има напредок и изрази надеж дека наскоро ќе добие информации дали истрагата се приведува кон крај.
Е. Г.