Иако многу родители во светот беа воодушевени од дизниевиот анимиран филм Фрозен, кој кај нас се преведува како Снежно кралство, спласна ентузијазмот околу убавата приказна во која девојката Ана ја спасува својата сестра Елса, чии студени волшебни моќи кралството го претвориле во вечен снег и мраз.
Причината за тоа сигурно е фактот дека саундтракот на филмот Фрозен е еден од најмногу слушаните музички дела во годината, а водечката песна Let it go на ЈуТјуб е прегледана над 383 милиони пати.
Свесна дека родителите често биле „тероризирани“ од страна на своите деца и присилени да ја слушаат таа песна, режисерката на филмот на Дизни Џенифер Ли им се извинува на родителите, бидејќи толку многу ги „залудела“ децата, пишува весникот Индепендент.
Потврда на успешноста на тој анимиран цртан филм е и фактот дека токму Елса е најпопуларното име за девојче во 2014 година.