Кинеската полиција го истражува исчезнувањето на 100 девојки од Виетнам, кои поради финансиски средства требало да се омажат за Кинези, пренесе весникот „Кина Дејли“.
Жените исчезнале во округот Хандан во покраината Хебеи, во близина на Пекинг, кон крајот на ноември, а едно официјално лице се сомнева дека нивното исчезнување е организирано.
Според наводите една Виетнамка која пред 20 години се омажила во Кина им ветила на мажите кои сакаат да се оженат дека ќе ги запознае со девојки од Виетнам.
-Доколку се сакаат, мажот може да плати одреден износ зависно од неговата и нејзина возраст и тогаш може да се венчаат- изјавила таа.
Неименувано официјално лице вели дека купувањето невести станало традиција во руралните подрачја во Кина.
Полицијата во Хандан, напоменува дека давањето меѓународни услуги за запознавање и стапување во брак е незаконско и може да се смета за трговија со луѓе.
Е. Г.