Претставниците на седумте членки на ЕУ кои беа вклучени во проектот „Јужен тек“ се согласија во Брисел да тргнат по алтернативни патишта за увоз на гас, како што е „Јужен коридор“, кој го поврзува Азербејџан со Италија, пренесе Мета.
Министрите за енергетика на Италија, Австрија, Бугарија, Словенија и Грција, како и амбасадорот на Хрватска при ЕУ, разговарале со европскиот комесар за енергетика Марош Шефчовиќ за последиците од откажувањето на Русија од изградбата на „Јужен тек“ и се договориле да се свртат кон други проекти.
Министрите, како еден од важните алтернативни патишта го навеле „Јужен коридор“, кој од наоѓалиштето во Каспиското Море би требало да мине низ Азербејџан, а потоа преку Грузија, Турција. Грција и Албанија, за да стигне до Италија, за што е потребно изградба на делница преку Јадранското море.