Во основното училиште „Манчу Матак“ во општина Кривогаштани, во кое настава следат 314 ученици, денеска во присуство на директорот на мисијата на УСАИД Џејмс Стајн и на заменик министерот за образование Спиро Ристески беше промовиран проектот за енергетски ефикасна фасада на училиштето и системот за парно греење.
Сопоред директорот на УСАИД Џејмс Стајн, овој проект е дел од програмата на УСАИД за климатските промени со кои се финансираат ваквите зафати во партнерски односи со општините .
– Задоволен сум како е спроведен проектот во училиштето. Ќе помагаме во секој проект кој ќе ги подобри условите за живот на населението. Ова е дел од програмата за адаптирање на климатските промени, изјави Стајн.
Целата инвестија е 120 илјади американски долари, од кои 100 илјади долари се вложени од УСАИД, а 20 илјади американски долари се на општина Кривогаштани.
Според градоначаклникот на Кривогаштани Тони Заткоски, бенефитите се во заштедата на енергијата.
– Со новата фасада и системот за греење во училиштето се заштедува околу 30 отсто од енергијата и секако во трошоците за одржување. Со ваквата програма на УСАИД опфатени се четири европски општини. Догодина во план е ваков проект и за ОУ „ Јонче Смугрески“ во населеното место Обршани, изјави Заткоски.
Заменик министерот за образование Ристески е задоволен од партнерската соработка со УСАИД и најавуваа нејзино продолжување.
– Владата и министерството за образование ќе продолжи со партнерскиот однос со програмата на УСАИД во ваквиот тип проекти. Во наредниот период училиштето ќе добие и спортска сала од владиниот проект „140 спортски сали во училиштата во македонија, изјави Ристески.