Германската канцеларка Ангела Меркел денеска оцени дека еврозоната не треба да брза со создавањето на банкарска унија, во време кога има се појасни сигнали дека и Германија е вовлечена во кризата.
Меркел го отфрли барањето на Европската комисија и на Франција во најкраток можен рок да започне банкарска супервизија на ниво на монетарната унија.
– Поддржувам построг надзор над банките во еврозоната, порача германската канцеларка на присутните на состанокот на Федерацијата на германските индустрии.
Сепак, европскиот надзор мора да повлекува некои обврски, не можам да зборувам за директна докапитализација на банките во другите земји ако се уште го немаме усвоено правото на интервенција, истакна канцеларката.
– Тоа значи дека решението мора да биде донесено чекор по чекор и по правилен редослед, не набрзина и не само за да се каже дека имаме нешто направено, нагласи Меркел.