Кошаркарите на Филаделфија и натаму се без победа во НБА лигата. Тие ноќеска пред своите навивачи загубија од Сан Антонио со 109:103, а најзаслужен за триумфот беше Каваи Ленард со 26 поени и 10 скокови и тројка постигната во последната минута.
Кај Сан Антонио не настапија Тони Паркер и Тим Данкан.
Во редовите на Филаделфија најдобар беше Мајкл Картер Вилијамс со 24 поени и 11 скокови.
Ова за Филаделфија е 17.ти пораз.
На другите три натпревари одиграни ноќеска: Вашингтон – Мајами 107:86, Јута – Денвер 101:103 и ЛА Клиперс – Минесота 127:101.
Вечерва се играат десет натпревари: Кливленд – Милвоки, Атланта – Бостон, Детроит – ЛА Лејкерс, Њујорк – Бруклин, Чикаго – Далас, Њу Орлеанс – Оклахома Сити, Денвер – Портланд, Феникс – Индијана, Сакраменто – Торонто и Голден Стејт – Орландо.
Пласман Источна конференција: Торонто 13-4 (победи-порази), Вашингтон 11-5, Чикаго 11-6, Атланта 9-6,…
Пласман Западна конференција: Мемфис 15-2, Голден Стејт 14-2, Портланд 13-4, Хјустон 13-4, Сан Антонио 13-4,…