Оваа година во Бугарија се преработени 109.000 тони грозје, што е двојно помалку од лани, изјави денеска во Пловдив бугарската министерка за земјоделство и храна, Десислава Танева.
Според Танева, како што јави БТА, бугарските винопроизводители се соочиле со „најтешката земјоделска година од аспект на агрометеоролошките услови“.
– Ги поздравувам оние кои имаа приноси со големи трошоци и огромни напори. Се надевам дека винопроизводителите ќе добијат добра цена, додаде Танева.
Таа нагласи дека за Националната програма за помош на лозаро-винарскиот сектор во Бугарија е обезбеден буџет во износ до над 133 милион евра, додавајќи дека во моментов е предвидена поддршка за шест проекти.
– Постои огромен интерес за Програмата и верувам дека пакетот мерки ќе придонесат за зголемување на конкурентската способност на бугарскоот вино на пазарот, нагласи Танева.