Меѓународната економска помош за Украина, особено таа од ЕУ, треба да биде во форма на инвестиции, а не дотации, изјави еврокомесарот за добрососедство и преговори за проширување Јоханес Хан на средба со украинските лидери во Киев, јави ТАСС.
На средбата учествуваа украинскиот претседател Петро Порошенко, премиерот Арсениј Јацењук и новиот претседател на Врховната рада Володимир Гросман, соопшти прес службата на Парламентот.
Хан истакна дека спроведувањето на реформите е важно за Украина. Според него Украина треба да работи за создавање на поволна инвестициска клима.
Еврокомесарот нагласи дека економските санкции против Русија не секогаш се поволни за европската економија, но Европа е свесна дека со безбедноста на Украина се гарантира безбедноста на целиот европски континент и затоа ја поддржува политиката на санкции.
Според Гросман создавањето на проевропско коалициско мнозинство во Парлаемнтот ќе овозможи исполнување на планираниет реформи, да се подготват измени во Уставот и да се остварат иницијативите на претседателот и премиерот на Украина.