Екипата на Лос Анџелес Лејкерс ја прекина серијата порази и на гостувањето кај Атланта ја постигна втората победа сезонава 114:109. Најпрецизен кај победникот беше Коби Брајант со 28 поени, додека на натпреварот најефикасен беше Пол Милсап од Атланта со 29 поени.
Во екипата на ЛА Лејкерс се врати Ник Јанг, кој поради повреда ги пропушти првите десет натпревари, а ноќеска постигна 17 поени.
На другите натпревари победи на домашен терен постигнаа: Милвоки против Њујорк 117:113 и Јута против Оклахома Сити 98:81, додека Сакраменто загуби дома од Њу Орлеанс со 106:100.
Вечерва се играат 11 натпревари: Кливленд – Сан Антонио, Индијана – Шарлот, Орландо – ЛА Клиперс, Филаделфија – Бостон, Вашингтон – Далас, Бруклин – Милвоки, Детроит – Феникс, Торонто – Мемфис, Минесота – Њујорк, Денвер – Оклахома Сити и Хјустон – ЛА Лејкерс.
Пласман Источна конференција: Тороното 8-2 (победи-порази), Вашингтон 7-2, Чикаго 8-3, Кливленд 5-4,…
Пласман Западна Конференција: Мемфис 10-1, Хјустон 9-2, Голден Стејт 8-2, Портланд 8-3, Далас 8-3,…