Операцијата за собирање на остатоците од патничкиот авион „Боинг“, кој се урна во јули покрај Доњецк, почна денеска во селото Храбове, јави ТАСС.
Денешната операција е извршена под надзор на претставници на холандските власти и на Организацијата за безбедност и соработка во Европа (ОБСЕ).
Собраните остатоци ќе бидат натоварени и пренеси до источниот украински град Харков, кој е под контрола на Владата во Киев.
Остатоците треба да бидат пренесени во Холандија, каде ќе бидат подложени на истрага од локалните органи.
Истрагата за причините за несреќата се води во Харков и Холандија.
Во уривањето на „Боинг 777“, кој сообраќаше на реалација Амстердам – Куала Лумпур, што се случи на 17 јули, загинаа сите 298 патници. Авионот се урна во зона, која е под контрола на украинските бунтовници. Украина и САД ги обвинија бунтовниците, поддржани од Русија дека го собориле авионот со ракета земја-воздух.