Американскиот секретар за одбрана Чак Хејгел денеска најави интензивирање на воздушните напади против екстремистите на групата Исламска држава (ИД) во Ирак.
Тој, образложувајќи ја американската стратегија во Конгресот, истакнал дека ирачките сили се се поефикасни о коалицијата предводена од САД ќе го зајакне темпото и интензитетот на воздушната кампања против исламистичките екстремисти.
Хејгел оцени дека борбата против ИД во Ирак и Сирија напредува, но дека американскиот народ мора да се подготви за долготрајни и жестоки судири.
– Офанзивата на ИД во деловите на Ирак е запрена, а во некои случаи ирачките, курдските и племенските сили, со поддршка на коалицијата и САД, ги натералена повлекување, нагласи Хејгел.
Меѓутоа, ИД и понатаму претставува сериозна закана за американските и сојузничките интереси, предупреди американскиот секретар за одбрана.