Украинските власти денеска соопштија дека граѓаните кои ќе влегуваат или излегуваат од територијата која во источниот дел на земјата ја контролираат проруските сили, ќе мора да ги покажат своите пасоши.
Оваа мерка, која ја воведе украинската Царинска управа, има за цел да го изолира регионот под контрола на проруските сили.
Според западните медиуми, тоа всушност ќе стане внатрешна граница на територијата на Украина.