Актуелниот НБА шампион, тимот на Сан Антонио ноќеска забележа победа над Атланта со резултат 94:92. Ова воедно беше 17. триумф за „спарси“ пред својата публика во дуелите со Атланта.
Сан Антонио до победата го предводеше Тим Данкан со 17 поени и 13 скокови, додека Тони Паркер имаше учинок од 17 поени, 7 асистенции, но и 7 загубени топки.
Најефикасни играчи на Атланта беа Пол Милсап и Демар Керол со по 17 поени.
Резултати на другите 11 ноќешни натпревари во НБА лигата: Шарлот – Мајами 96:89, Филаделфија – Орландо 89:91, Бостон – Торонто 107:110, Бруклин – Минесота 91:98, Детроит – Њујорк 98:95, Милвоки – Чикаго 86:95, Вашингтон – Индијана 96:94 (по продолжение), Феникс – Мемфис 91:102, Јута – Кливленд 102:100, Сакраменто – Денвер 131:109 и Голден Стејт – ЛА Клиперс 121:104.
Вечерва на програмата се само два дуела: Хјустон – Сан Антонио и Портланд – Далас.